Memorial page of Runja

Liebi Runja, vor über zwei Wuche hani di müesse loh go, es duet unheimlich weh und du hesch e Teil vo mer mitgno. Eg wünsche dir, dass du guet über d Rägebogebrügg bisch cho und jetzt schmerzfrei chasch bi alte Bekannte, Fründe und Familie si. Über 17 Johr si mer zäme durch dick und dünn, du bisch mi Schatte gsi, mi Grund nid ufzgäh, mini chlini Fründin, min Seelehund. Du bisch immer positiv gsi, glücklich, aktiv, fründlich und verfrässe. Jeglichi Trickli het me mit der chönne mache und du hesch immer gluegt woni be, besch immer i mire nöchi gsi. Vor luuter Freud hesch aube sogar mit de Zähn klapperet und bisch immer parat gsi für es Abentüür. Bis 14ni hesch würkli alles mitgmacht und ersch denn, bisch langsam alt und ruhiger gworde, hesch nümme so möge und bisch öffter id Sunne gläge was s Läbe lang gliebt hesch. Trotz grosse OP's und paar andere Gebrächlechkeite hesch nie ufgäh und kämpft bis zletscht. Eg danke dir vo Härze für alles was mer hei zäme dörfe erläbe. Du fählsch mer unändlich und es wird kei Tag vergoh woni nid a de dänke, woni di nid vermisse. Tschüss Butschi, machs guet - Bis mer üs wider gsei