Memorial page of Stella

Stella 17.07.2009 - 06.12.2022 Liebi Stella Trotz dim höche Alter hei mir di ganz überraschend am Zischtig über d Rägebogebrügg müesse la zieh. Nach dim schwäre epileptische Afall isch es für di e Erlösig gsi. Mir si fescht truurig, aber ou glücklech über 13ehalb wunderschöni Jahr, wo mir mit dir aus üsi treui Begleitere hei dörfe verbringe. D'Familie, Fründe, Bekannti, Nachbare, aui hei di eifach gärn gha. Du bisch "d'Oberhündin" gsi vom Quartier, het e Nachbarsbueb gseit. Dr Wald isch dis Paradies gsi. Bis zu dim Todestag hesch du dini tägleche Spaziergäng im Wald bi gueter Gsundheit chönne gniessä. D Bärge si dini Kraftort gsi, im Summer u im Winter. Dini Läbesfreud het üs immer wieder ufgsteut. Jetzt si dini lüchtende Ouge erlosche. Du fäusch üs sehr, aber mir si froh, dass du nid lang hesch müesse lide bis du hesch chönne ga. Es isch nid liecht gsi, di la z'ga. Mir wärde di nie vergässe, so gärn hei mir di gha, u mir si dankbar für dini wunderbari Treui über die viele schöne Jahr. Machs guet, STELLA, R.I.P.