Gedenkseite von Flake

Liebste Flake❤, 14 Jahre und 3 Täg hesch Du euses Läbe bereichert. Mit ganz vöu liebi, Zueneigig ond alles was me sech us Hundebsitzer wönscht. Mer send alli zäme es super Team gsi i dene Johr und hend eus blind vertraut. Esch es eim nid gut gange, du besch emmer de Seeletröster gsi. Dech öber d Regebogebrögg müesse loh go, esch de schlimmst Entscheid ond Moment i eusem Läbe gsi. Aber mer hend gwösst, dä Entscheid esch för dech, ou wenns eus sehr weh ta het ond noch 3 Woche emmer no mega weh tut. Du fehlsch a allne Ecke. Di Gruch, dis da si, dini Lebensfreud, dini freudige Begrüssige wenn me hei cho esch, eifach weg. I weiss, de Rege- und Hundegott het dich bestimmt herzlich ufgno und etzt chasch mit Astor, Cheyenne, Irmeli etc dur euches schöne Land höpfe. Mer werde die NIE vergesse ❤❤ All dini Sache, speli, bettli, sogar dini Haar vom Börste hend mer no be eus. Ou das tuech, wo me di, wenn Nass gsi besch, emmer abtrocknet hend, esch det wo emmer ond werd nid gwäsche. Ämu no nid etzt De grösst Wonsch wär, dech nomou z dröcke, umarme ond kösse. Mit der dure Schnee, dur d Wiese loufe und durs Wasser sprenge. Aber das esch leider nömm möglich. RUN FREE FLAKE FOREVER I EUSNE HERZE❤❤❤❤ Dini Pam ond di Röbi