Gedenkseite von Hermine/Schesä

❤Üsi gliebti Hermine/Schesä❤ Gester, de 06. März 2022 isch für üs einä vodä schlimmstä Täg gsi. Äs Outo het di gad bi üs ufder Strass ir 30ger Zone verwütscht, mir wüsse nid gnau wie das aues gangä isch aber die Lückä u diä Läri u dä Schmärz wo du hingerlasch duet unändlech Weh. Am 2. Mai wärsch du 4i wordä mit dim Brüetsch zämmä. Genau dennä wo dr Geburtstermin isch für üses erste Kind. Du bisch ä sehr spezieli gsi, sehr ahänglech u sehr fixiert uf üs- jede Tag immer am schmusä u sit dr Schwangerschaft bisch du ke einzig Tag vo mirä Sitä gwichä...ou we hättsch ussä chönnä gah, hesch du geng müesse cho luege obs mir guet geit u bisch ufe Buch glägä. Dr Alltag ohni di isch im Moment nid zertrage, wie sehr mir das vermisse di chönnä Z'strichälä, Z'schmusä, mit dir Z'redä u di eifach um üs zha???? Du hesch üs so viu Liebi gäh, mir hei ganz ä spezieli Verbindig zunenad kah und für das aues si mir dir unändlech Dankbar. Mir hei aues gmacht für di und ja du bisch für üs es Kind gsi- üses Bebe womer hei druff ufpasst u verwöhnt so wis verdient hesch. Du fäuhsch üs u dim Brüetsch extrem fest und mir wünschtä du wärsch no hie bi üs. I möcht mi ou Bedankä, das du mi dür die Schwangerschaft begleitet hesch u mir so viu Kraft gäh hesch liebi Hermine❤❤ Du wirsch für immer ä Platz i üsem Härzä ha u schobaud bisch umä bi üs Daheime a dim gwohnte Plätzli ihrä wunderschöne Katzeurne. Wiso das het müesse passiere wärdä mir nie chönnä Verstah. Aber üsi Härz si i 10000 Teili zerbrochä. Mir Liebe di unändlech fest und vermisse di soooo ungloublech Fest❤ Dis Debi, Luki u Mr. Grey