Gedenkseite von Milou

Liebe Milou. Am 28.8.2025 bisch du stiu u heimlech gange. Dass du am Tag vo dr Rägebogebrügg gange bisch, isch es Zeiche, dass du dr Zytpunkt gwäut hesch. Dis Härzli het während emne Routine-Igriff eifach ufghört schlah. Mir si schockiert, trurig u fassigslos. Mir vermisse di so ungloublech fescht. Du fäusch üs a jedem Egge... dini bedingigslosi Liebi, dini luschtigi Art, dini Ahänglechkeit u o dis sture Chöpfli. Die 14 Jahr mit dir wärde immer e bsundere Platz i üsne Härze ha. Jitz rennsch du nöime angers desume u verzouberisch mit dim Charme dini Umgäbig. Machs guet, liebschte Fründ.