Gedenkseite von Ginnie

Mini gliebti Ginnie Unfassbar isches, dass du nümm bi mir bisch. Tag und Nacht bisch du bi mir gsy und uf Schritt und Tritt mit mir cho. Im Garte, im Huus, mir hei zäme Yoga gmacht und zäme chillet ufem Sofa. Wo ig di vor 2 Jahr im Tierheim gseh ha, isch es Liebi uf e erst Blick gsy. Du hesch e Unfall gha und dis Schwänzli isch dürdas churz gsy und es het di niemmer wölle adoptiere. Aber du hesch di schönschte Chugeli-Ouge gha wos git. Und iz bisch eifach nümm da und ig chas fasch nid ushalte. Dä Schmärz isch unfassbar gross. Wo du vor eire Wuche chrank worde bisch, hani nid dänkt, dass das ds Ändi isch. Mir hei so kämpft, du und d Tierärzt und o i dr Tierklinik het me dir nümm chönne hälfe. Du bisch doch ersch 6i gsy, und mir hätte no so vieli Jahr chönne zäme ha. Und iz hani di müesse lah ga und d Wohnig ohni di isch läär und einsam. I vermisse di so fescht! Danke mini gliebti Ginnie, für die wunderbare 2 Jahr, wo du bi mir bisch gsy und mir jede Tag, dini bedingigslosi Liebi geschänkt hesch. Danke du liebe Schatz und ruhe i Friede.