Gedenkseite von Filou

Liebe Filou ❤️ Du hesches nid liecht gha i dim viu z'churze Läbe. Zersch het di niemer wöue, äuä wüu du für ne Bueb rächt chli u ängschtlech bisch gsi. Bi üs bisch du nach und nach ufblühet u dr Leni isch grad sofort di Fründ worde. Mir hei so fescht Fröid gha a dir u das du di so guet mitem Leni verstange hesch. Leider bisch du am 9.6.23 us unerklärliche Gründ uf d'Strass use u dert äuä verwütscht worde. Mir vermisse dich ganz fescht, bisch du doch mit dine guet 2.5 Jahr no e junge Bueb gsi. Dis quitsche wes Nassfuetter gä het, dis Gsichtli wet ufe Tisch ufe gluegt hesch, diner Nasetätsche am morge, au das isch uf ei Schlag verbi gsi... Din beschte Fründ dr Leni vermisst dich ou, o we du ihm mängisch d'Müüs gstole hesch, äbeso vermisst dich d'Finja u d'Diva... Mir si so fescht truurig das mir di hei müesse la ga, mir bhaute di immer i üsem Härze ❤️❤️ Filou, mir wärde di nie vergässe ❤️❤️